وانا واقف على طراطيف رجلى
وسط النار
لامس عين الشمس بإيدى
زى النخل واقف زنهار
إيد بتغـوَّط تسرق روحى
من بين نفسى
وعضمى ولحمى
تدخل بين تفاصيل تكوينى
زى السيخ المحمى بنارى
كاشف سترى ..قايد نار
والأسرار اللى بتوجعنى
بتخـَرّج منى الأسرار
شفتك واقفة ما بين تجاويفى
إيد بتشل الـعـَصـَب الخامـِس
إيد بترضـَّعـنــى الصبـَّار
والأحلام المـَـقـتـولة قـاتـلــة
نـَبـتـِة حـُب ف قلب الصحرا
والعــدرا ما بـَقـِتـشـى تـصـلـِّـى
والـمـَنـبـَـر مـَسـجــون بـِحـصـــار
وانا على سكـِّة شوك وندامة
ماشى وحافى ألف نهار
لسـَّة الإيد السودا بـتـِنـبـِـش
جـوَّة ضلـوعــى
تـِغــزل فى الدَّم المـِتـجـَلـَّـط
تعمل توب خالى الألوان
وتفرَّغ قلب الشريان
فـَـطّ وريدى يدافـِع عنـِّى
نـِبـضــى يحاول وبإصرار
والإيد السودا بتـتـحـَوِّل
وتعشش فى جدار الدار
تنخـُر زى السوس فى حياتنا
لكن ما تهـِدّش أحرار
لسـَّة النـَفـَس الباقى ف صدرى
بيعافـِر ويصير إعصـار
رافـِض أى مهانة لروحى
رافض يرضـَع م الـصـَّبـّار
وانت اللى تسلمى تباريحى
لإدين بتأكـِّلنا مرار
ألف حرام والله عليكى
تـِرضى بـذُل
و تـِلـبـِســـى عـــــــــار
................
بـقــلــــــم ا لــــشــــــا عـــــــر
أ بــــو عـــمـــــــا ر ا لـــمـــصـــــــــر ى