أزاي تقولي إنك حبيبتي
ومش عايزاني عليك أغير
هو خلاص الحب أتعدل
دخل اللسته في التغيير
ولا عشان أنا قلت بحبك
أرضى لقلبي بأي مصير
لا مش ح رضى أبدا إني
أشوف إحساسك كده للغير
وأقعد ساكت. لأ ح كلم
بجد تعبت قوي وكتير
عايزاني ابقى واحد تاني
مش بيخاف عليكي ويغير
عايزني أسكت يعني وأشوفك
عادي كده من غير تفسير
لا يا حبيبتي لا يمكن ح رضى
وأسكت كده على أمر خطير
ولو بتحبي قلبي ح ترضي
كده بكلامي بدون تفكير
وتعرفي إني بحبك جدا
بس ياروحي عليكي بغير
.......................
بقلم| حمدي رمضان.ابوعمروالريشي