انا مش فاهم ...................وافهم ليه
لو فاهمين ...................حد يفهمنى
اللى فى يوم .. ........ما فهمت انا فيه
تهت معاه .................. وكمان جننى
------------------------------------------
أصل فهمت زمان ..................نعتونى
افهم تانى ...................تزيدوا جنونى
هافضل عاقل ..............وانسى الفهم
واعمل مجنون................. لو ندهونى
-------------------------------------------
الفاهم خليه مع فهمه ...لو كان فاهم
عامل نفسه سبع برمبة وعايش واهم
اما انا عقلى ..................قفلته ورَوَح
من غير ما اسكر .........ماشى اتطوح
واجمع 5 و 6 بايدى ......واللى اشوفه
اقوله يا سيدى ............ تهت معاهم
-----------------------------------------
رحت سألت ................الفاهم فينا
هو السائل ................علشان يفهم
مين هايرد ................جواب يشفينا
ولا خلاص ...............ممنوع نستفهم
ممكن حد ........................يرد علينا
-----------------------------------------
قالى يا ابنى ...................ارجع تانى
عايز تفهم ...................تبقى الجانى
وان ما فهمتش .............تفضل حانى
ها تبوس ايدى .............ويمكن رجلى
وتعمل قرد .......................وتترجانى
------------------------------------- -----
عايز تفهم ..افضل احايلك ..افهم فيك
وانت دماغك ....... ......مش فاهمانى
قلت يا عم .............خلاص انا فهمت
ومن ايامى .............خلاص انا طهقت
لا انا عايز افهم ...............ولا بتفاهم
سيبنى فى حالى.........كفاية زهقت
اصل العيشة .............احسن عيشة
خايف اقول ................... انها قرفانى
-------------------------------------------
شوف الموضوع ............. فيه مواضيع
يبقى شريف........... فى الاصل وضيع
والحكايات ....................عملت افلام
والافلام نصها ..................... شغاليع
------------------------------------------
حتى الغنوه ..............ماهياش غنوه
دق ورقص ,,,,,,,,,,,,,,,,وفى الممنوع
وجاى الاخر ..................عايز تفهم
خليك عاقل ...................ريح عقلك
يا تروح تشرب ...............كام منقوع
-----------------------------------------
رحت قفلت .......الباب على نفسى
لقيت موضوع .....جاى فى المواضيع
قلت اكيد........... هايفك لى يأسى
هو انا هافضل ...............طفل وديع
------------------------------------------
ده بحاور ده بيناور ..ومذيع قاعد بس يشاور
ساعه يا صاحبى ..............وراحت راحتى
كان نفسى افهم .................ايه الموضوع
قلت اقفل ......................وارتاح لى شوية
اصلى جعان ....................وكمان موجوع
----------------------------------------------
كان نفسى افهم ..............انا ما عرفتش
اصله كلام .......................ما يشبع جوع
لقيته ندهلى ..عايز تفهم ..ليه ما فهمتش
خليك عاقل ....... اياك تدخل فى الممنوع
-----------------------------------------------
اصل الفهم يا ناس .................. له ناسه
اوع تقرب ...هايدوسك على طول بمداسه
قلت افضل انا بعيد .................. بكرامتى
وانسى الفهم............خلاص من ساسه
مش عايز افهم ...............هافضل جاهل
حد شريكى؟؟؟؟
============
\\\ عونى هشام \\\