هخرج من بيتي لبيت جاري
وهصاحبه وأوفضفض أسراري
وهسيبه وألف ف شوارعنا
وأهرب م الزحمه علي الحاره
وأصطاد أحلامي بسناره
يمكن أرجع.
وأبعد عن حارتي المزنوقه
وأرجع ل بلادي المرموقه
وأفك رقبتي المخنوقه
وأغطي قصايدي بأغنيه
يمكن تحبل
وتجيب عيل ويكون صايع
ويعيش في الدنيا دي بدراعه
أصل المتربي بيتمرمط
وحقوقه دايما بتضيع
الدنيا بتحترم الفاكس
علشان دايما بيشاكس
وهيخرج م الأحزان وحده
وهيسكن فرح علي مزاجه
ولاحد ف يوم عمره يضايقه
والكل هيعمله حساب
وأغطي قصايدي بأحلامي
أو يمكن أفوق
صلاح عبدالدايم