حبيبى قولى مالك
تعالى هنا أنسى عذابك
زعلان منى ادق انا بابك
اعاقب نفسى ليك وأدبها
انت عندى أغلى منى وبقولها
حبيبى مالك بص فى عيونى
أرجوك حبيبى بعدك جنونى
بص لملامحى قبل جرحى
قلبى أسيرك
وعشقى طيرك
مصيرى مصيرك
تقدر تقول ازاى تكدب عيونى وصدق غيرى
اطلب منى تلاقى
أمانى
حنانى
كيانى
قولى عملت ايه يستاهل قساوتك
شهد عشقك ملانى وغلاوتك
فى بعدك فى قربك عشقتك
احكيلى قولى قبل ما تحكم عليا
ده انا عشت عمرى ملقيتش غيرك ليا
أرجوك عاتبنى متصعبهاش عليك وعليا

بقلم/ سماح محى الدين