<!--
<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->
سيجال ...
الشاعرة القديرة/ قوت القلوب
الشاعر/ سيد منير
...((عطش الكلام ))...
...............................
سيد منير ...
عطش الكلام المستخبي
فوق السطور المتغربه
مشتاق أنا والليل سكون
أحضن الهمس بجنون
...........................
قوت القلوب ...
الجنون مسكون بين شط غرامى
يتوه ويدور لما يعطش هيامى
والشوق مسروق من ليل أحلامى
يحدفه الموج ف طريق أيامى
...................................
سيد منير ...
الموج ليه حاضن سكاتك
بدور عليكي فى كل الأماكن
تعطش حروفي وقت الكلام
وألاقي عنيكي حاضنه الملام
.....................................
قوت القلوب ...
تعطش حروفى لموج أحلامك
ويروى حنينى بأنين كلامك
ليه ف سكاتك بدور عليك
والاقى صباحى ف ضل عنيك
...............................
سيد منير ...
حروفى تايها معاكي
بشتاق للمسه ايديكي
ياخدني الحنين وشوق الأنين
اسابق زماني واعيش وياكي
...................................
قوت القلوب ...
انا وانت حكاية ع الشط
تنقال ف رواية وتنحط
فى برواز قزاز والهوا هزاز
ياخدنا لقرار الكلام ويحط
...............................
سيد منير ...
على الشط لاقيتك جنيه
مرسومه فى صورة إنسيه
روايه وحكاية عايشه جوايا
كأنك برواز منقوش حنيه
...............................
قوت القلوب ...
هادوس فوق الصعاب واعدى
حبك لا كنت عمرى اتحمله
وبين الصخور حطوى الغياب
يا موج احكيله عنى وكلمه
...............................
سيد منير ...
لما الصخور تقسي عليه
وتبعد حبيبي عن ضي عنيه
والاقي الموج صعب يعيش
فوق شط تايها منه الحنيه
..............................
قوت القلوب ...
روحى معاك بتروح لأخر قرار
ورموشى بتنقش اسمك ع المحار
وشوقى بين البحور تايه حيران
ليه تلاوعنى دليلى فيك احتار
.................................
سيد منير ...
البحر غريق والموج غدار
بيسكن قلبي واحس بنار
جوه الليل الاقى نجوم تأنبنى
خايف م النسمه تعذبنى
..............................
قوت القلوب ...
حبى لو بعد عن شطك حتنساه
وعروسة البحور عاشقة رضاه
يا امير البحور قلبك انا عشقاه
غارقه وبموت لو راح منى لقاه
....................................
سيد منير ...
يا أميرة قلبى أنا حبيتك
جوه النني وخبيتك
يا عروسة البحر أنا بهواكي
وجنونى طاير فى سماكي
................................
قوت القلوب ...
البحر ده حويط و بيعاندنى
عارف انك يا حبيبى بتسعدنى
كل ما اتمشي برجلى على خده
تيجى الموجه لحدى وتبعدنى
.................................
سيد منير ...
على خد القمر الليل كبر
لما أمشى فوق شفايفك بتعصر
والسعادة بين ايديكي جنتي
لو الموج يعاند بلاقيكي ضحكتى
.....................................
قوت القلوب ...
حاسب تكسر موج احلامى
ولا يحلى فى عنيك انهزامى
حابعدك عن نبض كلامى
واغرق فعذوبتى والهامى
.......................................
سيد منير ...
بكسر جواكى الخوف
ما أنا ديما قلبى ملهوف
وكلامك جوايا حروف
بتنادي صمتي المكسوف
.............................
قوت القلوب ...
عيونك دول انا احترت فيهم
لما بشوفهم بدوب واعوم لحديهم
وشفايفك يدوبونى لما يقولوا سرهم
والموج يتصنت ويفضح امرهم
.....................................
سيد منير ...
تحتارى ليه وشمس نهارى عشقاكي
يا نجمه ساكنه فى شباكى
لو عيونك بان السحر فيهم
تصمت مشاعرى وتنطق بهواكي
.....................................
قوت القلوب ...
لو يوم عز عليا لقاك
واللوعه عذبتنى ف هواك
حادخل قلبك واستناك
تاخدنى ف حضنك وانسي جفاك
.......................................
سيد منير ...
من امتى وسيبانى لوحدى
أقاسى مرار بعدك ليه
دا الثانيه ف بعدك بتعدى
وضلوعى فى حضنك مكويه
.................................
عطش الكلام خلاص ارتوى
وقلبى ف حبك داب وشقي
امنت بالله انت الداء والدوا
لملم حروفنا الشمس المروحه
............................................
سيد منير ...
وانا جنبك عطشان للكلام
وكل الحروف ساكنه عمرنا
والشمس مهما تغيب ..
راجعه تلملم حلمنا ..
.......................
كلمات ::
الشاعرة القديرة / قوت القلوب
الشاعر / سيد منير
