نفسى ف حد يحس بيا
حد بجد يخاف عليا
و أحس معاه بالامان
و يمسح بإيده دمع عينيا
حد يقوللى أحكى مالك
أشكيلى اللى مغير حالك
إيه اللى تاعب لك بالك
حد أحس معاه بالحنية
حد معاه أحلم و أفكر
زى م أحبه يحبنى و أكتر
أحس معاه الوقت بيقصر
و يعدى كأنه كام ثانيه
حد أشوف صورتى ف عينيه
و أنام أفكر أحلم بس بيه
و كلامى كله يكون عليه
الدنيا معاه تكون حاجه تانيه
حد بجد مش أى حد
حد كل كلامه ود
و كل أحاسيسى له تتشد
أحس معاه بإنى واحده تانية
