لا عارف أوله ........... من أخره
ولا فرح ................. من عذاب
عمّال يلعن ..... ف حظه وبخته
ويعدد ................... ف أسباب

وكل ما تضيق عليه ...... دنيته
وتسجنه ........ شبابيك وأبواب
يجري ويهرب ....... من حقيقته
ويتشعلق ........ ف وهم كداب

و يخلق ألف سؤال ..... لنفسه
ويصنع هو برضه ......... الجواب
ويتصور ......... عشقه وهمسه
ويعيش حكايات ..... ف السراب

ويصدق ألوانه ............ ورسمه
وإيده إللي طايله ...... السحاب
وفجأة ............. يبص ف مرايته
يشوف ملامحه ... أكلها الضباب

يضحك على عمره ....... وحياته
وطول إنتظار .......... إللي غاب
وأمله ............... وحبل أمنياته
إللي من كتر الشعبطه .... داب
==================
زياد الإسكندراني