الحب مش لابس قناع
انتِ اللى لابسة
ألف وش
وايام مرار وايام خداع
وايام بلاقى النور ستاير
من ضلام
الحب عندك
كان بضاعة بالفلوس
عمرك ما حسيتى المشاعر
عمرك ما قدرتى النفوس
الحب ضاع
من يوم ما شـُفتـِك
والشفايف
حايرة فوق منها الحروف
من يوم ما قلتى لى ...الظروف
كات كل كلمة من شفايفك
ألف خوف
شيلى القناع بقى واظهـَرى
بالدمع مش هتطـَّهـّـرى
كل اللى كان منـِّك
ولا تقدرى تغـشـّى الوشوش
بضحكة من سنـِّك
الحب كان فوق الرفوف
مستنـّى لحظة ينكشف
بس الغرام دايماً بيهرب
من قلب عمره ما انكسف
الحب
مش وش بملامح للغروب
الحب
مش ريح عاشقة أيام الغروب
الحب يا ام القلب مات
عمره ما غيـَّر
من ملامـِح فرحـِتـُه
انت اللى كنتى بتخدعينى وتخدعيه
وبإيدك انت كات نهايتـُه
وبإيدك اليوم دفنته
الحب
مش بياع كلام
ولا عمره تاه وسط السكك
وطريقه مفروش بالقلوب
وعيون بتعشق
حتى لو من غير كلام
واللى ما بيشوف الحبيب
عاشق ولا يهمه النظر
الحب مش محتاج يشوف
يتحس من لمسة كسوف
وانت اللى نارك
نازلة حرق ف جتته
مليون سلام
وبدون وداع
مالكيش دخول لجنته
خليكى لابسة
ميت قناع
الحب عارف صحبته
...................
بـقـلــــم ا لـــشـــــا عــــــــر
أ بـــــو عـــمـــــــــا ر ا لــــمــــصـــــــــــر ى