<!--
<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->
سيجال ...
الشاعره/ قوت القلوب ...
الشاعر/ سيد منير ...
... ((سحبت الروح)) ...
............................
سيد منير ...
لما بعدتي سرقتي حياتي
كنتي معايا..ساكنه الروح
كنت بشوفك بعيون قلبي
نبض الليل والامل مجروح
........................
قوت القلوب ...
الجروح من صدك وهجرك
سبت لك باب قلبي مفتوح
بس يا حبيبى مع اول دوح
مشيت وسحبت الروح
..................................
سيد منير ...
يعني ايه تودعيني وانا المشتاق
يعني ايه تجرحيني وقلبي داب
كنت ليكي شط الهوي
كنتي ليه بحر عذاب ؟؟
..................................
قوت القلوب ...
ليه بتنوى ع الفراق
ده غدر الجفا حراق
روحى عطشانه للقاك
ليه تروى آهى بجفاك
......................
سيد منير ...
لما تبعدي خديني ليكي
روحي ديما بتناديكي
خديني ..واعلني الحداد
قلبي رافض للبعاد
........................
قوت القلوب ...
انت عارف انا عندى قلب
يسمعك ف الحب كلام
لا يعرف غدر ولا كدب
اهجرنى وانسى الملام
..........................
سيد منير ...
قلبك فى لحظه باع
نسيتي يوم كنت الشراع
كنت الدفا لحظه لقا
مشاعري متغربه ساعه الوداع
...................................
قوت القلوب ...
انا فاكرة لسه ضحكتك
وسالت ف الليل عليك
قاللى تاه من سكتك
ده ودعك وهجر عنيك
..........................
سيد منير ...
ضحكتي فى الليل براح
لما النجوم تندهك
كل المشاعر مش كلام
خليني عاشق ضحكتك
............................
قوت القلوب ...
عيونى دايما شايله دموع
وسمايا ضلمه بكل خضوع
وشمسى سكنها الغروب
يوم ما نويت انت الرجوع
................................
سيد منير ...
ليكي البحور انا عديت
رسمت فوق الرمال بيت
عمري ما كنت قاسي
ليكي أنا حنيت
.......................
قوت القلوب ...
انا حاسه بجرح الهوى
جوه قلبى بيتالم
وناره ف الفؤاد
تقيد بغدرك وتسلم
......................
سيد منير ...
غدر الهوي بين عيونك شط
امشي عليه والشوق سارح
اوعي تقولي قلبك يوم حس
ما انا كنت ليكي ف بحره سابح
................................
قوت القلوب ...
انا فيه شيء بيئن
وجرح والم ما بيون
بس غدرك كان صريح
وحزنى ف عرفك تسابيح
..............................
سيد منير ...
ليه تقولي على حبي غدر
وانا كنت ليكي الحطب
تدفي بيه وقت الشتا
والنار ما تطفي لحظه غضب
.................................
قوت القلوب ...
أنا عارفة اسمك قد ايه شايل حروف
بس رسمك مش موافق معنى اسمك
وحتى شوف كل ما انده عليه
بحس بخوف
سيد منير ...
عارفه ان اسمي معجون بدمك
عارفه ان روحي هي نفسك
لو برسمك بشوفك نهار ابيض
بين غيوم الدنيا حضنك
...............................
قوت القلوب ...
روحى ف هواك متيمه
والهجر مكتوب عليا انا
باعتب عليك وكلى جروح
ليه من شطى سحبت الروح
..............................
سيد منير ...
روحك بتطوف جوه مني
الهجر لحن بتعزفه حروفي
مهما تغيبي وتبعدي
ح تفضل روحك ساكنه دمي
.................................
قوت القلوب ...
خايفة تعرف انى ف هواك
بموت كتير واصحا بلقاك
ورموشى نامت ف ليل قساك
ايوة انت سحبت الروح..ولاقتها معاك
............................................
سيد منير ...
معاكي بعيش اجمل أيامي
انتي هوايا وانتي غرامي
لو تغيبي تتوه احلامي
وروحي تهجرني وأيامي
.........................
كلمات :
الشاعرة/ قوت القلوب
الشاعر/ سيد منير
