لما تهرب من خطاك
ولا قدرك يوم يعاندك
يبقى إيه ف الدنيا باقى
لما بيموت اشتياقى
ولا للأحزان تلاقى
ألف إيد تضغط عليك
وإل كانو جوه منك
هربو بعد ما مر سنك
هربو حتى بدون وداع
بعد ما ليهم عمر ضاع
يومها هاتحس بخداع
كله رافض ليك سماع
وإل فاضل فيك شعاع
زى سهم ف قلب صايب
خيط رفيع بس سايب
دم ينزف جسم دايب
عقل شارد قلب غايب
راحو فين بس الحبايب
نسيو نظره من العنين
ولا لمسه بالأيدين
نسيو ايام الحنين
بعت عمرى بحاله ليهم
حضنى كان دايما حاويهم
هو تعبى مش كافيهم
ولا سهرى كان عليهم
إسمعو قبل أما اموت
صوتى رافض للسكوت
هى شبكه عنكبوت
تدور وترجع للبدايه
وهى دى كل الحكايه
م البدايه للنهايه
يوم معاكم يوم معايا
تزرع الفعل تلاقيه
فعل تفرح انت بيه
وفعل تندم يوم عليه
للشاعر
عبد المنعم خفاجه