** وكفاية **
وكفاية حبل لكدوب قصير
والصدق مراية معروفة
لكدوب خلاك ف لباسك صغير
وانت الباين في كل شوفة
والصادق ياك كيف ديما كبير
والصدق ياك كلمة مالوفة
قاموس كلمرة هدرة
ياللي واضح باين معروف
ومعاك درت النية بلمرة
وسفينتك تايهة ف بحر الخوف
اش هذا صابني حدجة مرة
كلشي عندك منسي بين رفوف
بكذوبك عذبتي لفراح
ياك غيرتي سكة لقوال
راك خلقتي دنية لجراح
حركتي للي ماكان ف البال
كلبي ضعيف مايعرف اقراح
ياللي كذوبك باقي ومازال

 بقلم صقر الحروف الزجال بوسبولة المحجوب