//////+++ وعلى طول الشط +++//////
وعلى طول الشط مرفقاني
ديك النسمة الغادية بيا
ديك الجايلة ومصاحباني
حاملاني ومكايسة عليا
ديك رمال على قد الشوف
وموصلاني لزينها وبهاها
شمس الصيف والشط المالوف
وللي خاطري عشق وبغاها
دافي يداعبني ويبليني
فهواه كل لقلوب هيمانة
بلطافة ياناس يغريني
والناس ياما فرحانة
هاني هنا ولبحر قدامي
وصدى الموج مسموع وباقي
والصخرة والشط وحلامي
حركوا مابيا ف عماقي
صيف كالعادة جانا ف وقتو
والكمرة ف سما حضيانا
اعشقني لبحر وعشقتو
والنسمة بالعطف حيرانا
خلات القصبة على كتافي
ولف لبحر امعايا كيزيد
هذا سر الصيف ماخافي
واانا ولبحر في عشق جديد
///+++ بقلم صقر الحروف الزجال بوسبولة المحججوب +++///
