إحلم   ..

...........

بتحلم  يجيك  بكره  

ولسه  فيه  إمبارح  

لا  فجره  بقى  ذكرى

ولا  شوفنا  فين  رايح 

نقصت  يوم  من  العمر  

وبتدعي  لأجل  يمر  

لا  عرفنا  طعمه  ده  مر

ولا   شمسه  غااااايبه

حلمك  ما فيهش  نجوم  

رعد  ورياح  وغيوم  

باب  الغرام  موصود  

ولا  فرحه  جااااايا 

تحلم   تلاقي  وصال   

صعب  الهوى  ينطال

لا  عمر  قلبك  مال  

ولا  دق  ثانيه  

لا  عرفت  تسهر  ليل 

ولا  كحل  زين  عين    

موصوف  له  آه  وآنين 

ونسمايه   هاااايمه  

 قافل  عليك  الباااااب  

عايش  في  أمس  وغاب  

راسم  قلوب  لأحباب  

ألوانها   دااااايبه   ..  

إحلم  يجيك  بكره  

وإنسى  اللي  في  إمبارح 

وقته  خلاص  ذكرى

ورد  الأمل  طاااارح 

إحلم     ...

بقلم  ...  صبري رسلان