ما تغيروش عوايدك
ويتمنى رضاك
يزود عن عرضك
حتى لو زاد اساك
وده فين تلاقيه
وقد ايه هيدوم
وان دام يدوب يومين
ويمكن كمان يوم
اما حبك ياالله
دايما دايم دوم
يغفر لمن عصاه
ويزيل من قلبه هموم
يستر ال متداري
يتجاوز عن المعلوم
يرحب باليعود
ما لام ابدا يوم
سبحانه كريم ودود
ما حب يوم اللوم
بالسحر اسجد اناجيه
ودمعي يجري بحور
من كتر شوقي اليه
روحى تطير بالنور
تحلق فى ملكوته
ما صدها سور
احبك يا الله 
قلبي بيك مسرور
دعاني داعي الحج
فرحت قمت البي
لبست احرامي وقلت
لبيك يا ربي
يا غافر الذنب
وقابل التوب
ووصلنا باب الحرم
ودخلنا من باب السلام
وكل ابوابك يا حرم
تنتهي بالامان والسلام
وفجأة تجلى لنا بيته
من فرحتي بدموعي لبيته
وطفت سبع أشواط
حول كعبته وبيته
من حظي وهنايا
وصلت للحجر الأسود
قبلته ونوره جوايا
وكنت بيه الأسعد
وعند باب الملتزم
رفعت ايدي لله
عبدك يارب التزم
بيصرخ ويقول أه
قلبي مليان ندم
رفقا به يارب تولاه
دموعي بتجرى كلم
ارحمني يا الله
بين الصفا والمروه
سعينا سبع اشواط
سنة عن أمنا هاجر
من عمر عدى وفات
وأه يا يوم الترويه
لما وصلنا منى
القلب من كتر التلبيه
يطلب ويتمنى
يوم كله ادعيه
يارب الجنة نولنا
من الفجر كان الرحال
لخير المحال عرفات
وقفنا ساعات طوال 
ندعى ندما على ال فات
يارب يا عالم بالحال
اغفر لنا ارزقنا الجنات
تسلقت الجبل قربت 
من المشهد
هنا وقف الرسول
الحجر ليه يشهد
والاف المسلمين كانت
واقفه تسمع وتشهد
قال انا رسول الله
وبوحدانية ربي أشهد
دمائكم واموالكم حرام
عليكم والملتقى يوم المشهد
استغفرنا ربنا ونفرنا و
الهدف مزدلفه
جمعنا سبع حصوات صغرى
وبالصباح رمينا العقبة الكبرى
ودبحنا الهدى المبارك
اكلنا ومعنا اكل جارى وجارك
وبعد ايام التشريق الثلاث
ودعنا بيت الله بالطواف
وبدأنا رحله تانيه من النور
القلب بيها سعيد مسرور
بالطريق لمدينة الحبيب
القلب فرحان طاير
وربك قرب البعيد
والنور بان بشاير
الكل فرحان سعيد
مفيناش ابدا حاير
دخلنا من باب السلام
وغمر قلوبنا الحنان
السلام على خير الانام
نبراس الهدى وبدر التمام
نشهد انك بلغت الرسالة
واديت الامانة بكمال وتمام
سلاما ابوبكر سلاما عمر
كل وزير للرسول همام
ودخلنا على روضه حته
من الجنه
ندعى نقول يارب الجنه
نولنا
بعفوك يا غفور وشفاعة
محمد رسولنا
تلينا اى من القرأن والروح
تتمنى
تشوف بس الرسول دا حبه
احلى من الجنه
وكاس محبه يدور نشرب
ونتهنى
فيه ايه بعد الرسول وروضه
هله من الجنه
يارب حبايبنا تنول كل ما
نلنا
يارب عقبالهم يارب وتاني 
عقبالنا
برحلة مقدسة تختم بشفاعة
رسولنا
د.عبدالحليم م.ه.م