مال شمسنا صبح لونها باهت
والبسمة على وجوهنا غابت
مال الكمرة على نجومها مالت
ربيع اليوم صبح ملواح
الصابة فزمان الزربة قلالت
عييت نخمم شكون يفك لمنامة
شكون يعطيني حبة لفهامة
حرت وحيرتي زادت حارت
حرت مع القاري
للي سايق الجاهل
بلا حزام السلامة
حرت مع داك المسؤول
للي منوم لعقول
العيشة معاه حرارت
خوفي عليك يا بنادم من شمس الربيع
من غوات الرضيع
من الكرش للي جاعت
خوفي عليك من الريح اللافح
من لعجاج القاصح
من عداوة خوك للي عادت
توفيق بومدين
