والله محتاج لك
***********
مش هقول اشتياق
او هقول نفسي ريحالك
ولا هقول احتياج
مش هقول هموت بدونك
او قلبي طير
اتعود غصونك
مش هقول اني بحبك
واني بموت الف مره
لما تيجي قدامي سيرتك
مش هقول صعب عليا الفراق
واني كل ليله
بموت جوه نفسي من الاشتياق
مش هقول عارفه ليه
لانك ضيعتني منك
في لحظه غباء
وانا رغم شوقي ليك
رغم موتي كل ليله
عشان عندك غرور
انا حبي ليك كبرياء
مش هقول حروفي
بكتبها عشانك
واني لسه عايش
في ضميرك
لسه عايشلك زمانك
اعترافي هو ضعف
وانامش ضعيف
استحاله اكون ورقه
حابه وعاشقه حضن الخريف
مش هقول انك عايشه
جوه ضميري
مش هقول ماانت عارفه
خط سيري
وانت عارفه
لا وحاسه
يفرق كتير عشقي
عن عشق غيري
فاكره....
اكيد والله فاكره
مش هقول
ومش هموت
اصل حرفي متعودش
ابدا عالسكوت
الخلاصه ده يبقي ايه
اشتياق
ولا احتياج
ولاحاله صعبه من البعاد
ولا حاله ارتجاج
حاله محتاجه انعاش
ولا وقت موتي
لسه مجاش
موتي هو موتك
احلي كلامي في سكوتك
ولا كل اللي فات
راح غباء
راح كبرياء
ضاع ببلاش
احمد عبدالحق
