ضحكة الحزين الغلبان ..

يا ضحكة الحزانة  ..

        الحزنانين ب الحزن الحزين  ..

يا روعة الغلابة ..

        الغلبانين ب الغلب المتين     ..

 يا  ضحكة يا حلوة   ..

      إضحكي  ما تروحي ..

         إفرحي  إوعي  تدوخي    ..

ده إنتي اللي   باقية  ليهم  ..

        إوعي تهربي   و تسبيهم    ..

كفاية  ..

الوجع   ..

           اللي فيهم     ..

البؤس  ..

          اللي ماليهم    ..

الفقر    ..

        اللي حواليهم    ..

الجوع   ..

        اللي جوواهم    ..

شوفي  ..

 يا ضحكة  ضحكتهم  ..

           شمعة منورة قلوبهم         ..

يا ريت يا ضحكة ما تطفيها ..

        الله يخليكي دايما   نوريها    ..

ب حلاوتك  الحلوة  حليها     ..

          ب روعتك  الروعة  غطيها  ..

ب نبضاتك  الدافية  دافيها ..

      ياريت يا ضحكة ما تضيعيها    ..

الناس الطيبة ..

            غلابة  عليهم وزعيها    ..

بلاش تتركيهم ..

           ف الدنيا  تايهين  فيها    ..

خلي ضحكتهم ..

          ف حياتهم عايشين فيها  ..

هذيان قلم : 

: محفوظ البراموني :