الاحلام.... !
الاحلام دي مكاني الاصلي
والايام ..؟
فاصل قبل مايكمل وصلي
دا بس كلام .....
جوا حروفه بيكمل عملي
والانغام ....
فيها بعيش وبحس باملي و الاوهام
الاحلام مش دي الاحلام
والايام مش دي الايام
كله كلام ..اوهام ...وخصام
حتى النور انطفى في عينيه
مات احساس كان فيه حنيه
روحي نادرها عشانك ديا
من كام عام
الاحلام دي خيال مش ليا
معنى جميل في حروف مثاليه
عمري ما شوفتها يوم بعينيه
وكله اسام
والايام بتعدي في ثانيه
ليله تجيب الليله التانيه
دنيا بكل مافيها دي فانيه
وكله خصام
نفسي في حلم يكون النور
واضح فيه وبكل ظهور
ناس بترحب لك بحضور
مش بكلام
ناس وقلوبهم ديما صافيه
مش ضاحكين والصحكه بعفيه
كله خلاص بيقول بلا قافيه
هتدفع كام
تيجي القمره في ليل وتونس
نسمه جميله عليها بننعس
اعيش الفرح وروحي تغمس
فيه ميت عام
والايام بربيع جياني
فيها احقق كل اماني
واطير في السما والناس شيفاني
كأني حمام
اشوف الشمس بنورها الدافي
كل صباح علي قلبي تعافي
و روح للناس بالحب تصافي
مش بخصام
لما الحلم يكون في منام
وارفع فيه اجمل اعلام
حزرع وردة في كل جنينه
وافرح ناس وقلوبها حزينه
واسعد قلبي وأعلق زينه
واقول انغام
ياسر مهدي عمرو
