اعقلتي
اعقلتي على ديك الثلة
والقبة الصادة للقبلة
وانا طالع من داك الموج
والناس مارة ياك فوج وفوج
وثلاقينا صدفة ف لمكان
والطلبة كتجود القرءان
وكتبنا لبداية رواية
مازالة مرسومة ف مراية
دار بينا سلام زدنا فكلام
فرغنا شلى وكان عرام
والزين الزين زربة يسلب
والقلب ضعيف دغيا تغلب
سلمت امري لسرار حرفو
سلمت امري لعالم ولفو
وانا عايش اليوم في نبضو
هذا ماكان حضي وحضو
////+++ بقلم صقر الحروف الزجال بوسببولة المحجوب +++////
