ما زال البحث جارى 
كلمات اسامة فؤاد حنا
ما زال البحث جارى
عن قلب يكون خالى
ويا رب انت الكريم 
وعالم بكل احوالى
ما زال البحث جارى
فى الشوارع والحوارى
بين اهلى وحبايبى
وكل اصحابى وجيرانى
ولا كان يوم على بالى
انى مش هاقدر ادارى
اشواق قلبي الحيران
واللى باشوفها ف احلامى
يا ناس العرض سارى
والقلب لسه شارى
فين حبيب عمرى
ويكون هو اختيارى
ما زال البحث جارى
عن نصى الحلو التانى
اللى راح ينور ايامى
ويكون هديتك يا زمانى
ما زال البحث جارى
مين راح يسكن ف دارى
ومن بين كل الاحبة 
واحدة وبس وعجبانى
احساس غريب جانى
انها هى ومكتوبالى
وهى قسمتى ونصيبى
وكانت عايشة ف خيالى