******ياعرق سوس******
::
انا ملـــيــت وتعـــب زنـــدي
ومانيش جيفـارا ولا غـــانـدي
ولا كان الغلط ده مـن عـندي
ياتــري ميـــن اللى عملــــها ؟؟
وشفا وخمير،،يا عرق سـوس
ياعرق سوس،،ياعرق سوس
::
أن كـــان علــى المـــش أكلـنا
وأن كان على الســــجن دخلنا
والصــــبر نخـلـــناه ونخــلنــا
خلـــي اللي باقــــي لــــرجالها
وشفا وخمير،،يا عرق سـوس
ياعرق سوس،،ياعرق سوس
::
يا ما انطحــن شـــــاعر قبلي
واللوح كتب له اللى كتب لي
و قصــايد شعــــرك يا شوقي
القــــمر إنحــــنى لجــــمالها
وشفا وخمير،،يا عرق سـوس
ياعرق سوس،،ياعرق سوس
::
انا استمــريت فــى جهــادي
لكن غشـني سحـــــر الــوادي
ووهبـــت للــــنيـــــل اولادي
لطرد الخـــاين اللي دخـلـــها
وشفا وخمير،،يا عرق سـوس
ياعرق سوس،،ياعرق سوس
::
يا أبوالهول يا ابوتيج ويا دلتـا
حاتعـمـلوا طـــــــرش لإمـتي.؟
صوتي صحي طنطا وزفـتي
وقامت اسوان تشوف احوالها
وشفا وخمير،،يا عرق سـوس
ياعرق سوس،،ياعرق سـس
::
يامصراللى يشرب من نيلك
لابد يــــــوم يرجع و يجيـلك
وانا اللي ظمـــأن في سبيلك
الدنــيا ايه اللي جـــــــرالها؟
وشفا وخمير،،يا عرق سـوس
ياعرق سوس،،ياعرق سوس
::
الدنيا خـــلاص باتـت صعبة
واللقمة فيها عاوزه مضـاربة
شمسك يا بلدي ليــه غـــاربه
والسعادة الهم والحزن قـتلـهـا
وشفا وخمير،،يا عرق سـوس
ياعرق سوس،،ياعـرق سوس
::
ولا كـــوب خـروب يسعـفـني
ولا سيجارة كيلوباترا تكيـفني
ولاينشــف البحـــــر ويـفــنى
غير بــظلم الخــلايق وعملها
وشفا وخمير،،يا عرق سـوس
ياعرق سوس،،ياعـرق سوس
---------------------------
-----------بقـلـمي----------
---------أحمد سامـي-------
--------17/5/2019-------