أنا مش تافهه
أنا مش هايفه أنا....مش تافهه
أنا إللي زمان.........قلبك شافها
أنا اللي كنت.........بتشتاق ليها
وأنا اللي عشقت سحر عينيها
وقوام سلمت............قلبك ليها
وبتحلم إنك تعرفها
........
إيه دلوقتي أتغير.......فيا
علشان تيجي تستهتر بيا
ليه دلوقتي رافض.....تسمعني
لما اشكيلك م اللي.......تاعبني
هو أنا جيت علي نفسي يعني
ليه وثقت إن إنت...... حاببني
أنا لوكنت معاك راح.....أكمل
وألَّا إن كنت في يوم بَتّحَمِل
علشان بس إن أنا....صدقتك
لما قابلتك............أنا م الأول
ماكنتش أعرف إللي حبيتها
هاتبدي أسفها
......
لما بغيب عنك أوقات
بتستناني ساعات وساعات
وأما تشوفني عيونك تضحك
وبتحكي ع الشوق حكايات
ليه من بعد................ماأسلم ليك
وجيت صدقت الشوق في عنيك
وأما لمست...................ثقتي فيك
غَيَّرت مشاعرك..............إيه وَقَّفها
أنا مش تافهه
لما انت أناني وحابب نفسك
ياللي ماهمك شيء غير نفسك
ليه بتيِّن قلب حنيِّن
وإنت حقيقتك لأ مش هَيِّن
ليه غشتني وانت مشاعرك
ليه مُختَلِفَه
الشاعر/شرف الدين فاروق أحمد
