#اوجاع ...
تمنيت ننساك
تمنيت ننساك وننسى معاك زماني
ننسى لحظة ملقاك
وننسى حيرتي معاك
وننسى لهيب قلبي
ومعاها ننسى كل المي وجرحي
ننسى اني فيك انخدعت
وننسى لحظات الجنون والوله
ننسى حيرتي ومبكاي
ودموعي يلي ذرفتهم يوم صرت معاي
ننسى وننسى حتى حواسي الخمسة
نطلق روحي في جحيم النكران
غريبة حالتي
تقلبت بين الضحك والزغاريد والهرج
صرت طاير بالجنحان
خطاوي مايعرفوا غير ميعادنا ومكان رؤياك
يوم تغليت بعت يلي قدامي ويلي وراي
بس للاسف ماحسيت ونكرت وتنكرت لكل شيء
في نظرك كله مجرد اوهام..
طالت المده سنين نكدح في الحجر الصوان
صنعت من الوهم حقيقة وانت ماتدري بيلي صار
تعجلت وتسرعت
ماضنيت اني في يوم راح نوفي بالعهد..
ياريتني نقدر ننساك وندفن روحي في منفاك
ياريت وياريت لكن للاسف صعب عليا النسيان..
#خربشات
#في_صميم_الروح_والجسد
#حمزة_نافع
#ليبيا
