تفاحه
🍎
باقولها وبكل صراحه
نظرة عنيكى دباحه
ترمينى فى النار وأتعذب
واقول ياناس كل دى راحه
رقة خدودك بتدوب
على كل خد تفاحه
فراوله دى ولا شفايفك
يام الشفايف جراحه
شعرك سلاسل ذهبيه
جره سفينه ملاحه
فى بحر موجه حنيه
ونسمه هامسه سباحه
لمسة إيديكى بر أمان
وجنه خضره طراحه
وجمال قوامك دا بيسحر
والخطوه بتزين واحه
البسمه منك تحيينى
بالحب مليانه سماحه
ضمينى ورينى الجنه
ياورده ناديه فواحه
======
بقلمى سامح توكل أبو السبح
