أزاي ترجع تليفونك المسروق فى 10 خطوات

1-تجهز علبة التليفون المحمول وتاخدها وتطلع بيها على القسم ال وقعت فى دائرته السرقة وتحرر محضر مرفق به بيانات الهاتف (الرقم المسلسل- النوع - الماركة)

طيب لو علبة التليفون ضايعه هتعمل أيه؟

هتروح شركة الإتصالات ال كنت حاطط الخط الخاص بيهم فى تليفونك (فودافون-أورنج-إتصالات-وي) تقولهم إن التليفون ال كان فيه الخط أتسرق وعاوز أعرف رقم المسلسل الخاص بالتليفون المحمول

2-هيتم تقيد المحضر ضد مجهول فى حالة عدم معرفة هوية السارق

3-هيتم تسليم المحضر للنيابة العامة ويتم تقديم طلب إستعلام من شركات المحمول

4-هترسل النيابة الملف للمحامي العام لتحرير خطاب والإستعلام

5-عند إستعمال السارق التليفون المحمول بشريحة أي شركة هترد شركة الإتصالات من واقع بيانات صاحب الشريحة الموجودة على التليفون المسروف وهتحدد أسمه ورقم بطاقته وعنوانه

6-هيرسل المحامي العام الإستعلام للنيابة الجزئية

7-يصدر قرار من النيابة العامة بضبط وإحضار السارق

8-يتم تحرير جنحة سرقة أو إستيلاء على أشياء مسروقة لحامل الهاتف المحمول

9- تحدد له جلسة وتنظر الجنحة ويكون الحضور فيها وجوبي للمتهم فى حالة محضر السرقة والحضور بتوكيل فى محضر العثور على فاقد

10-يقدم طلب للنيابة العامة بتسليمك التليفون المحمول