لو سألتك انت مصري
لوسالتك انت مصري قولي لا
مصر مفيهاش غدارين
لو سألتك انت مصري قولي لا
نفسي تسأل مره نفسك انت مين
انت تعبان مستخبي ف كل شق
لاله وطن ولا حتي دين
انت دمعه وسط فرحه
انت لحظه حزن جارحه
انت وهم وعشنا فيه متحيرين
قولي يالي بتدعي انك ملاك
هوربك قالك اجري انشر الموت والهلاك
انت بتحارب ف مين
م الي قالك ان ظلمك ليه حق
انت باطل
انت شيئ في الكون داعاطل
انت لا والف لأ
لوسالتك انت مصري قولي لأ
مصر تحيا عشان ولادها الطيبين
احنا ناس من عند ربك محروسين
هو قالهالنا ف كتابه(ادخلوها امنين)
مش هتعرف مره تخلف امر ربك
انت اصلا تبقي مين
زنبهم ايه الغلابه الي انتحر فيهم املهم
زنبهم ايه البشر الي غدرك جه ونالهم
زنبهم كان انهم عاشو مابينكم طيبين
ياكل اب وعاش حياته بعد موت ابنه حزين
ارفع انت بس ايدك قول يارب
وانت عار ف ربك انت يبقي مين
ياكل ام وراح ضناها بين رصاص الغدر ادعي
واحنا هنقولك امين
احنا هنقولك امين
سالم ابوموج
