شوف القسوة بتعمل ايه
................................
عارفك مش حترد عليا
يبقى تخلى فراقنا صريح
تعرف لو دقت الحنية
ابدا مش حاتسيبنى جريح
ده انا ياحبيبى عشان اوصلك
لفيتلك من الف طريق
جاى دلوقتى تقولى سلام
طيب مين غيرى حيرويك ؟
...................................
اشتقت كتير لكلامى معاك
وحكاوي ما بينا خد أو هات
وازاى كنت بالملم شعرك
لما هوايا داب فى هواك
هو انا اصلا مش كنت هواك ؟
زى ما قلتلى مرة بنفسك
يبقى ازاى جايلى دلوقتى
جاى بتقولى باى وسلام ؟
...................................
آخر مرسال حابعتهولك
ان قلت انا راجع راح اصونك
ولا حاترجع يوم لجنونك
مع سوء ظنك فيا والومك
انا ماغلطش يوم ما صارحتك
وانت ما خلتنى اوضحلك
كنت تلومنى ولا تهجرنى
احسن من هربك بوعودك
....................................
أ. الحداد 18\11\2015
