عاشقك انا
احمد صبري
-
ياللي في عنيكي بقيت
بخبي روحي واْسراري
ياللي شفايفك ياريت
تمسح همومي ومراري
إنتي إزاي زي القمر
وشمس منورة نهاري
عودتي عيني ع السهر
والشوق بينام بناري
-
بنسى إسمي بإبتسامة
و الرموش بتفكرني
بالحلاوة والوسامة
حاجات كتير بتحيرني
من الشهامة والحنان
كلمة حلوة تصبرني
انتي فينك من زمان
عشقي ليكي مسهرني
-
إستحالة احب غيرك
او افكر إلا فيكي
قلبي علشانك اسيرك
بصدقك وبغير عليكي
لما تقولي انا بهواك
ولا إيدي تلمس إيديكي
لو اسمع كلمة عشقاك
احضنك واحس بيكي
-
تبقى جنة مش حياه
اعيش واموت معاكي
كل شيء انا بتمناه
نظرة حنانك هواكي
لمسة لشعرك المفرود
رقة مشاعرك ودفاكي
احلى ورد على الخدود
عاشقك انا يا ملاكي
