عادي
عايز تجرح اقف فالصف
و حط الذكرى هناك ع الرف
و متقلقش 
كله مع الأيام بيخف

عادي
مستغربه ليه و ليه محتاره
بدل السبب موجود 100 
علاقتنا زي سيجاره
بحرق فيها تموت فيا

عادي
انك تحلم تحلم تحلم
و الأحلام ترسى على مفيش
و يبقى املك و كل طموحك
انك يا دوب بس تعيش

عادي
مش بستغرب
ان الكل لوعده بيخلف
بس الاعجب
ان الكل قبل الكدب بيحلف

عادي
مين احبابك ؟ تضحك
و تقول ناس ملهاش عد
و وقت الحزن وحدك
مين جنبك ؟ ولا حد

عادي
القريب يصبح غريب
و كل شئ حواليك يتغير
موج يودي موج يجيب
الحلو دايما عمره قصير

عادي
بتحبيني
بحبك جدا
ليه سبتيني
لقيت الاحسن

عادي
مشتاق بيخبط
تفتح بابك
سابك متلخبط
عايش فعذابك

عادي
و ايه فالدنيا مبقاش عادي
حاضر ماضي صحبه و وحده
و فكل الاحوال قابل راضي
و بحاول اني ابان اقوى