حبَِت كلام . بقلم \ أحمد شاهين
الدفاتر فى الغرام
ملهاش عدد
كل دفتر. الفراق
فيه مُستند
من طفولتى . كنت
وف ساته إبتدائى
بعشق الحلوين
ولو زااد العدد
بس ما بينى ونفسى
قٌلت هى البريئه
الحقيقه . كات ولد
لما كان حد يعاكسها
من صُحابى كات تثور
وكأنها ثورة بلد
أما أنا من نظره واحده
بنكِسف أه بعترف
قدامها بصبح لا أحد
سن البراءه كان بداية
العشق عندى. والعشق
فى قلوبنا نصيبنا للأبد
كل شاعر له حبيبه
بتندهه وف خواطره
ياما قال عنها كلام
واما ينده .عمرها
ما تسمعه أيه يفيده؟
من هواها غير ألام
كل قصه بيبتديها ع
الورق . وبتنسرق
منه الأمانى والغرام
الخيال فى حياته دا
هو الحقيقه . والحقيقه
كل شئ فيها بِكام؟
جايز الدنيا إللى عاشها
مش بتاعته. إحتمال
لكنه صابر ع الملام
الحروف هى إللى دايمآ
بتواسيه . والباقى ليه
أه يادوب حبِت كلام.
كلمات \ أحمد شاهين
