( لون السعادة )
•• شعر غنائى ••
عمادالدين العيطة
كل حاجة إتحولت ..
عرفت طريقها لعنيك
دخلت طريق السعادة
ولو غبت يوم عنها تناديك
كل حاجة عايزة ..
تبقى أحلى حاجة
عايزة تكون حلوة بزيادة
قدام عنيك
ومن غير إرادة ..
لما تلاقيك تجرى عليك
وألاقيها حابة تحضنك
كأن أصبح حضنك لها
إدمان وعادة
شايف الطريق إزاى منور
بطلتك .. شايف الشجر ..
شايف الطيور ..حتى القمر
عمال يدور .. بيقول عليك
إنت القمر من ضحكتك
كل حاجة إتحولت ..
بقى لونها أحلى
لون بشرتك . لون السعادة
