الزجل الساخر / مولد يادنيا
من كلمات / ناصر طاهر أحمد
****************************************
كنت فى يوم راكب
أتوبيس
زحمه وموت والكل
فطيس
بس واقف على رجل
ونص
والبياع بغلاسه
بيبص
واللي بيسرق فى
الغلبان
طافح المر ياناس
تعبان
واللي قاعد يشرب فى
سيجاره
أصله حمار وفاكرها
شطاره
واللي بتولد فجأة
ياناس
فى الاتوبيس محتاجه
إحساس
قلت أميل على
شباكى
فجأة لاقيت سياره
ملاكى
كانت ماشيه فى عكس
طريق
خلت كل الشعب
غريق
كانت حمره ودم
غزال
جواها بنت جميلة
جمال
كانت ترغى وفى
المحمول
ومعاها كلب كمان
مهبول
دايما بيطلع لي
لسانه
قمت سكت ياناس
علشانه
