مجرد سؤال
ماتسأل عليا مجرد سؤال
ولو حتى أصبح لقانا محال
كأن اللى بينا مجرد خيال
مجرد خيوط فى توب الامال
مجرد شطوط عليها رمال
مجرد رمال وعطشانة مية
تدوسنى رجولك إدارى اللى بيا
تشيلنى بكفوفك أطير فى الفضا
تنزلى تانى فأرجع ضحية
يابحر مايعرف لشطى طريق
وموجك بيغدر ماينقذ غريق
ومالح وجارح مافيك اى شئ
لا راضى تسيبنى ولا تبل ريق
ولكن دة طبعك مالكش صديق
تعدى عليك السفن بس ترحل
تشوف شط غيرك فترسى علية
وتفضل لوحدك واقعد لوحدى
فقولى بعادك يفيدك بأية
عشقتك فكنت تبوسى وترجع
تزين رمالى بلؤلؤ محارك
عشقتك وانت يتخبط وترزع
ولا مرة قلت تعبت انتظارك
ولا مرة قلت ماتقعد شوية
ماتهدى الليﻻدى وتحضن ايدية
وتمسح بموجك آثار اى حاجة
وتمحى آثار الوجع والاسية
ماهو انت اللى شايف
وانت اللى عارف
بأنى ضحية
محدى
