( ماتقوليش )
***********
ماتقوليش إن السعادة
بكره تيجى مع السنين
دا السنين ح تزيد كآبه
وح يعلى صوتنا بالأنين
ماتقوليش إن إحنا بكره
أكيد ح نبقى فرحانين
دا الشقا مكتوب علينا
وعشانه إحنا مخلوقين
ماتقوليش إن الدموع
بكره ح تكرة العينين
دا الدمع بكره ح يبقى
أكتر وح ينطفى نور العينين
ماتقوليش الحب بكره
ح يداوى كل المجروحين
يمكن تكونى إرتحتى إنتى
لكن أنا أرتاح منين
ماتقوليش الحب بكره
راح يطفى شوقنا والحنين
دا البعاد طول علينا
وإشتقت نبقى قريبين. ( بقلم/ علاء زايد )
