حد فاكر (375)
.............
ياما قالوا ولاموا فيا
قالوا كان
يستاهل أيه
لملمي حظك يا شابه
وفري دمعك عليه
ما هو سابك خان وعوده
حتى قلبك جف عوده
زاد جراح الحب لما
داس ورودك بين أيديه
قلب قاسي
ملهش غالي
حتى دمعك هان عليه
لاف لعش تاني غيرك
هد قلبك باللي فيه
وش تاني كان مخبي
شوك خداع
يجرحني بيه
إتصدمت وكلي حيره
عمري ضاع
مغشوشه فيه
خدني شوقي
وروحت أصالحه
شوفت واحده بين أيديه
قالوا ساعه
نصحي فيكي
أيه الوخم اللي أنتي فيه
النهارده ما فيش دراسه
أيه جرالك درس أيه
صحصحي وفوقي
يا تيتا حلم تاني ولا أيه
تمشي خطوه تعدي تانيه
تيتا نسيت صاحيه ليه
الزهايمر ده وسنينه
حد فاكر قولنا أيه
بقلم .. صبري رسلان
