قلوب لا ترى  (373)

..................

وراح العمر كده فجأه 

ما بين لحظه 

وغمضه عين

وناس حاسه الحياه مره

بدون أحبابها 

مش باينين 

في وسط الصوره موجوده وليه تقولولنا

مش شايفين .. 

على الذكرى 

يا دوب عايشه 

تدور حضن تاه له سنين

بتكتم شوقها  جواها

بتتمنى السلام بالايد ..

غريبه قلوبنا في قساها

بتنكر ناس وشيفاها

وحرماها العتاب بالعين

هتشكي لمين يا ولداها  

وكسر القلب خلاها 

تخاف لأنينها يكشفها 

ساجنه الصمت جواها  

لا ليل هون في أحزانها

وفجر نهارها نجاها 

هتفضل فاكره 

مين طبطب 

ومين في وجعها 

ما نساها   ..

ومين فى الأصل بكاها

غريبه قلوبنا في قساها

لا قادره تشوف 

ولا حاسه 

بنبض ندمها جواها 

بقلم .. صبري رسلان