كلمات غنائية

   باللهجة المحكية 

  بعنوان

    ( رجع أيلول)

 

   رجع أيلول ورجع 

    ونحنا ما رجعنا

    شهور ع مبتدور 

    ونحنا مطارحنا

     تغرّبنا    تعذّبنا

   لا الفرح نسّم عبلدنا

  ولا نيسان بالخير بشّرنا

   يا ترى   شو مخبّي

    معك     يا أيلول

    خبِّرنا      خبِّرنا

 

    ما عاد يهم الحزن

    عالحزن    تعوّدنا

    والدّمع  عالخدين 

    عطول    مرافقنا

    مثل الدّم    الألم 

    يسري    بجسدنا

    يا ترى شو مخبّي 

    معك   يا  أيلول 

    خبِّرنا     خبِّرنا

 

    أحلام   وأماني 

    للسّما     بعثنا

    من قلوب عطشاني

     للفرح    يغمرنا

    وألحان وأغاني

     كتبنا   وعزفنا 

    وعالحب والخير

    وقّعنا   و بصمنا 

    وسامَحنا وصَفَحنا 

     ونحنا      بعدنا

     مثل ما    نحنا

   لا الفرح نسّم عبلدنا 

  ولا نيسان بالخير بشّرنا

    يا ترى  شو مخبّي

    معك  يا   أيلول

     خبِّرنا    خبِّرنا

  بقلمي معن حمد عريج

  • Currently 0/5 Stars.
  • 1 2 3 4 5
0 تصويتات / 148 مشاهدة
نشرت فى 29 سبتمبر 2021 بواسطة Randazx

عدد زيارات الموقع

26,241