رائحه الشوق (361)

................

يا أرض الشوق 

يا عطشانه ..

يا دقه قلب حيرانه

بتتمنى  ندى  قربه  

ويروي الروح دي دبلانه  

أناجي الليل عليه وأسأل

وليه فاتني في دوامه 

يا مر البعد يا قساوته 

يا تنهيدتي ووجع سيرته 

لا أنا قادره أحل قيود 

ولا  أقادره أقول حره

أكحل رمشي وأتحنى

وأفرش وردي وأتمنى

لا جاني في حلم ولا زارني ولا حس 

إني بستناه

يا ناس دلوني مشتاقه

لأحضانه اللي كات جنه

يا طول  لياليه 

ودفاه  القاسي  ..

ووهم الدمعه والهمسه

غصون أشواك  

في أرض الشوق

سنين حرمان

وليه ناسي  

أقول ده فاكرني وهيرجع 

وليه كدبني إحساسي ..

ما صبر المر خلصته

وأيه باقي في عذاب كاسي ..

تنهيده وجفا الهمسه

ولمسه ناكرها إحساسي

لاأنا شامه ريحه شوقه

 وقلبي خلاص نسى قدومه 

بقلم .. صبري رسلان