قصيدة باللهجة المحكية
مَضّيت العمر من الناس إستحي
مثل شيخٍ لابس عمامة وملتحي
لقيت الناس لا بتسمح او تدمحِ
تنكر معروف ومع كل فرصة بتجرحِ
تنكر معروف ومع كل غلطة تسل سيوف
تفتكر الدنيا ملكهم ونحنا ضيوف
وينك يا جدي ويا جد جدي تاع وشوف
تاكل بلحم بعضها الناس وتِذبحِ
تاكل بلحم بعضها الناس وتتباهى
وتعلا ضحكات وقلة دين وتفاها
الله يا زمن الخذلان كيف ننساها
صرنا نتمنى لو نِمسي ما نِصبِحِ
صُرنا نتمنى من القلب لحظة فرح
صدق وإخلاص وعفِة وأمانةِ وصِفح
ترى يا عالم طَفح الكيل طَفح
مخافة الله كل هَمّي ومَطمحي
مخافة الله لو الناس تداريها
بطيب الأعمال حياتنا نحليها
بفعل الخير الدنيا جنة نخليها
وبحب الغير نسمى ونعلا ونِفلحِ
بقلمي معن حمد عريج
