يامه مواويل الهوي يامه موايليا
طعن الخناجر ولا حكم الخسيس فيا
الصبر حلم العواجز يطرح زهور الأماني
والقهر عدى الحواجز وأنا إللي واقف مكانى
شايف غيطان البشاير خايف وكانن إديا
حتى الحمام إللي طاير ما رضاش يرفرف عليا
يامه مويل الهوي يامه مويليا
طعن الخناجر ولا حكم الخسيس فيا
سألت شيخ الطريقه ما رضيش يجاوب سؤالي
ودارى عني الحقيقه وفاتني حاير ف حالي
سألت شيخ الأطبا دوا الجراح إللي بيا
نظر لي نظره محبه وقال دوايا بايديا
يامه مويل الهوي يامه مويليا
طعن الخناجر ولا حكم الخسيس فيا
ساحة النقاش