على اسم مصر التاريخ : يقدر يقول ما شاء
أنا مصر عندى أحب و أجمل الأشياء
باحبها و هى مالكة الأرض شرق و غرب
و باحبها : و هى مرمية جريحة حرب
باحبها بعنف و برقة و على استحياء
و اسيبها و اطفش منها فى درب و هى تبقى فى درب
و تلتفت تلاقينى فجأة جنبها فى عز الكرب
و النبض ينفض عروقى بألف نغمة و نغمة
كإنها محفورة جوايا فى صميم القلب
أو زى ما حفظونى فى صغرى : جدول الضرب
مع كامل تقديرى للشاعر الراحل
( صلاح جاهين ) رحمه الله
وكامل اعتذارى له عن التصرف المضاف منى
د . محمد رمزى
ساحة النقاش