حاجات ماتتقالش

فيه كلام معين لو اتقال بيعمل شرخ كبير في المحادثة، وبتكون نتيجة إنك مش قادر تمسك نفسك، وتسمع الكلام للآخر فتبدأ تقاطع المتحدث، وتحدث مشكلة أكيد إنت في غنى عنها.. فتقول مثلاً:

• الكلام ده كله مش مهم.. المهم دلوقت كذا وكذا.
• الأمور دي كلها كلام فارغ وأمرها سهل.
• ده كلام قديم ومستهلك.
• معلش الصح إننا نعمل كذا وكذا.

الجمل دي لو نفسك تعمل مشكلة مع المتحدث يبقى بمنتهى البساطة وهو بيتكلم بحماس عن وجهة نظره ارميه بجملة من دول... وافتكر ساعتها إن الجري نص الجدعنة.