الكلام ده كبير..

آه فعلاً الكلام اللي فات ده كبير ومشكلة كمان وخصوصاً لمجتمعنا...

وده لأننا أخدنا على إننا نتكلم من غير ما نسمع ومن الممكن جداً تلاقي اتنين داخلين في مناقشة وكل واحد بيتكلم عن موضوع غير التاني خالص...

ودايماً تلاقي جمل معينة في كلامنا زي مثلاً "أيوه أنا سامعك كويس"... "كمل كلامك أنا معاك"... "واخد بالي من وجهة نظرك" وعادة بعد الجمل دي بتقول "ولكن أنا قصدي.. كذا وكذا"... "بس أنا كنت عايز أقول"... وتبدأ تتكلم في وجهة نظر مختلفة عن الشخص اللي بتتكلم معاه...

وده معناه إن مفيش تواصل وبالتالي مش هيحصل تأثير... وهتبقى المناقشة مالهاش أي لازمة من الأساس...