لو كنت هاوي

"هوي.. يهوى.. هواية"

هوايتك.. مكانك الخاص جداً في الدنيا، اللي بتروح له لما بتحتاج ترتاح، تتجدد، تشم هوا حقيقي..

هواية.. يعني حاجة بتحبها بجد، بتعملها بكل كيانك، بتشكـّلها وتشكـّلك وبترسم ملامح فيك..

لو معندكش هواية، يعني فيه حاجة غلط، يعني ناقصك كتير في المعرفة عن نفسك وعن العالم..

في ملفنا عن الهوايات حاولنا نقدم فكرة بسيطة عن دنيا الهوايات الواسعة، حاولنا نكتشف معاكم كل القدر ده من المتعة والخبرة والأفكار..

اعذرونا الموضوع كان أكبر بكتير من تغطية كل جوانبه في المساحة دي.. لكن بنتمنى إن إنتم اللي تكملوا مجهودنا المتواضع، بمشاركاتكم وأفكاركم الجميلة عن الهوايات.. وده يعني.. "لو كنت هاوي".

لو كنت هاوي..

جه الوقت اللي تحكي فيه عن هواياتك.. ازاي شكـّلتك، وأثرت فيك، ازاي غيرت في حياتك؟؟
الحكاية من البداية.. ع الماشي أو بالتفاصيل، متترددش وشارك معانا..