لاشك ان احواض المياة المالحة هى الاحلى على الاطلاق بلامنازع وللاسف عندنا فى مصر غير منتشره وعلشان كدة فكرت افتح نفس اخواتى الاعضاء واقدملهم المعلومات الكامله عن تجهيز الحوض ومستلزماته وفرشه واعدادة لاستقبال السمك اما السمك نفسه فا موجود صحيح مش فى كل المحلات بس موجود بالفاهرة والاسكندريه وحاقول لكم معلومه انا عمرى ما اشتريت سمكه او شعبه مرجانبه او صخرة مع ان انا عندى 5 احواض مالح يا جماعة بلادنا مليانه خيرات!
اول حاجه حاقدمهالكم هى مرحله الاعداد وفيها نجهز المستلزمات لاستقبال اسماك المياة المالحة فى الاحواض

1) الحوض الزجاجى

الاحواض تصنع من الزجاج او الاكريليك ويجب مراعات الأتى فى تربية اسماك الماء المالح, كلما اكبر حجم الحوض كلما قلت المتاعب وقلت الخسائر!!!.

2) الحامل

اذا قلنا ان وزن لتر الماء والفرشه والصخور تقريبا" كيلو جرام وبحسبه بسيطه فان حوض حجمه 100x 50 x 50 = 250 لتر ماء اى تقريبا 250 كيلوجرام وتلك هى ابعاد اقل حوض مالخ صحى!! لزا يجب ان يمون الحامل او الترابيزه قويه ويفضل المبنيه من الطوب او من الحديد القوى ليتحمل الثقل والوزن الهائل.

3- الكشاف والاضاءة

الغطاء يمكن صناعته من البلاستيك او الخشب ولكن يجب مراعاة دهان الخشب من الداخل بطلاء مضاد للماء انا شخصيا عامل غطاء حكايه ومكلفنيش حاجه! على الغطاء الخشب العادى لزقت فوم ولسعته بالنار قام مدينى تاثير الصخور وقمت بنفس الشئ على الجوانب فاصبح شكل الحوض كانه طاقه فى كهف
اما الاضاءة فيفضل استخدام لمبات جرولوكس لتعويض ضوء الشمس وتكون الواتات كاتالى 4 وات لكل جالون الماء.

4- الموتور

تختلف اسمك المياه المالحه عن اسماك المياة العزبة بانها تحتاج الى نسبه اكسجين مزاب فى الماء اعلى كما تحتاح الى تيارات مائيه وحركه بالماء شبه مستمره وعليه يجب استجدام موتورقوى او ترمبه غاطسه (من الاخر كدة) راس فلتر بويو قوى (فيه نوع اسمه 2500sp 3كوبايات) بس غالى شويه

5- الفلتر

يوجد انواع كثيرة من الفلاتر لاحواض المياه المالحة ومنها الارضى والداخلى والخارجى ولكن احسنها على الطلاق هو الفلتر الخارجى المزود بوصله للاسكيمر.

6- هيدروميتر

والهبدروميتر هو جهاز قياس نسبة الملح الزائب فى الماء

7- السكيمر

وهو مفيد جدا بالحوض ويقوم بعمليه بيلوجيه هامه جدا الا وهى تنقيه المياة من المواد الصلبة الضارة ويوجد منه انواع عديدة ويعيبه ارتفاع ثمنه وعموما يوجد بالاسواق انواع صينيه رخيصه نسبيا وعمليه

8- مقياس تركيبة المياة

وهو من اهم الادوات خاصة للحوض الجديد وذلك لضبط نسبه الحموضه والقلويه (PH) و الامونيا والنيتريت والنيترات وعسر ويسر الماء..

9-السخان

يجب تثبيت درجة الحرارة صبفا وشتاء على درجه 25 درجة مئوية وعليه نستعين شتا" بسخان ترموستات مناسب لحجم الحوض

فى المرة الجايه ان شاء الله نفرش سوا الحوض ونجهزة وارجو اللى عندة صور احواض مياه مالحه يشاركها معانا

اعدتة للنشر على الموقع /داليا عمر