الأستشارة

السلام عليكم
بعد التحيه لحضرتك انا واقعه في مشكله كبيره ومحتاجه نصيحه منك
انا ابني عنده 9 سنوات ولقيته امبارح بيقول لاخته تعالي نلعب لعبه اب وام ونزل مع اخته تحت البطنيه وباسها على شفايفها انا مش عارفه هو عمل كده ليه في حين انه حد مؤدب جدا ومطيع وكل هواياته منحصره في اللعب على الكومبيوتر او بالدمى مع اخته ومش من هواه الفرجه على الافلام وانا مستغربه السلوك ده قوي وخايفه جدا وحاسه اني مش فاهمه ابني وانا اتكلمت معاه وقولتله ان ده حرام وان دي حاجه بتحصل بس مع مراته لما يتجوز لكن دلوقتي هو طفل وهو المفروض اللي يحمي اخته ويخاف عليها من اي حد وهو وعدني انه مش هيكرر ده بس انا عايزه اعرف اعمل ايه معاه وخايفه من تطور الامور لو سمحتي فهميني وقوليلي اعمل ايه ابني فعلا حد كويس ومؤدب ونادر لما يعمل حاجه غلط
واخته بقه عندها مشكله تانيه
انا لما سالتها بتعملوا ايه قالتلي حاجه كده اللي هيا كنا بنلعب يا ماما وحكيتلي على لعبه وكانت مقنعه جداا لدرجه اني صدقتها وكانت ثابته جدااا وده مخوفني انها ممكن تكدب عليا وما يبانش عليها وكمان تالف قصه مقنعه كانها حقيقه هيا 6سنين وهيا حد مشاغب شويه وشخصيتها قويه وفيها عند ونديه شويه معايا
انا لازم اكون انا واولادي صحاب لان باباهم متوفي من شهرين ولازم اكون قريبه منهم ويحكولي على كل حاجه ولازم انا اللي اعلمهم كل حاجه ومش عارفه اعمل ايه
انا بجد محتاجه رايك

الرد

 استعيني بالله
ربنا يسعدك
الي حصل امر طبيعي وغريزي ومتفتكريش ان أولادك مش مؤدبين هما بس أذكياء وتصرف الولد ممكن يكون نابع من فقدان أبوة الله يرحمه ويمكن كان عاوز يدخل السرور علي أخته طالما انه طفل مثالي كمان البنت واضح انها ذكية وتحاول استخدام مهارتها معاكي متخفيش عليهم بس عوزاكي
تدعلهم كتير وتصاحبيهم أوي وتعلميهم التحصين وتخلي عندكم انتم الثلاثة ورد يومي كل يوم بعد العشا وقبل النوم تقرؤو قرأن سوا
او تدعو دعاء ويا ريت تحكلهم كل يوم حكاية تغرسي فيها قيمة أخلاقية ولو معندكيش مهارة سرد القصص أقرئ لهم حكاية وعندك سلسلة حكايات أمنية علي النت
وكوني ديما سعيدة لتسعديهم
أنا عارفه ان فقدان الاب سيترك فراغ بس وثقة ان انتي قدها وأدود