افضل مركز تخاطب و صعوبات تعلم بالاسكندرية

مركز تخاطب بالاسكندرية كل الجلسات تحت اشراف امنية عادل بنفسها

زمان لما كانت راقصة عاوزه تطلع الحج أو العمرة كانو يسمحو لها علشان تتوب و بعد كده يمنعوها علشان رجعت  ترقص بعد ما حجت دلوقت لا دلوقت عادي تطلع الحج مرات عديدة 

حاسة ان ربنا زعلان مننا علشان قفل بيته الحرام في وجه البشر 

مش بس الراقصة 

واحد بيرتشي أو بيمشي شغله بالرشوة يروح كل كام شهر يعتمر علشان يغسل ذنوبه 

و يرجع تاني يرشي و يرتشي

معظم الفنانين بيروحو العمرة و يرجعو تاني يلبسو   الي بيلبسوه و يسهرو ويمثلو مشاهد غير لائقة

و كذلك المطربين و حتي شهر رمضان الي هو نزل فيه القرأن بمبأش البشر يحترموه و يوقروه كنا زمان نعظمه و نكتر فيه العبادة لكن كلكم عارفين معظم الناس بتعمل فيه ايه من اول لسته مواعيد المسلسلات الي أماكن السهرات الرمضانية الي بتقدم رقص و غني و شيشة)

نسينا "ومن يعظم شعائر الله فأنها من تقوي القلوب"

و سبكم من ده كله 

احنا الناس العاديين بنسمعهم و نتفرج عليهم 

و نشجعهم

المشكلة مش في لاعب الكورة و الفنانيين المشكلة احنا بقينا ندي الماتشات و الفن و الفنانيين أهمية كبيرة اوي لدرجة اننا نسينا دينا مع اننا مخلوقين للعبادة و اولادنا و بناتنا لما تسألهم انت عاوز لما تكبر تطلع ايه يقولك لاعب كورة مع ان دي كانت زمان هواية دلوقت فيه نوادي بتقولك تحب ابنك يحترف احنا بندي دورات لتعليم الكورة لحد الاحتراف

و انتي يا حبيبتي عاوزة تطلعي ايه 

تقولك فنانة شاملة (اغني و ارقص )كل الأضواء مسلطة عليه و عندي قصر و عربية و كل الناس بتحترمني

وفيه أيضا اماكن كتير يعلمو بنتك الرقص و الغناء و التمثيل مش شرط أبدًا الموهبة  

و الناس تروح تعلم اجيال المستقبل ده كله علشان المستوي المادي الي بيحصل عليه هؤلاء من رفاهية و غني فاحش

و اصبح عندنا برامج للمواهب من الصغار و الكبار (العالم يغني😭) 

و قصاد ده كله 

تلاقي العالم  و المجتهد في العلم أو الدين ليس معه ما يسد احتياجاته بيعاني في مجتمعات لا بقت تقدر العلم و لا العلماء بتقدر بس اصحاب المعاصي و بدل ما كنا بندعيلهم بالهدايا  بقينا بندعي  نكون زييهم اصحاب معاصي

يعني لما ام تلاقي فنانه ليها مشاهد مخلة في بعض الأفلام تتكرم و تصبح سفيرة للنوايا  الحسنة حتقول يا ريت بنتي تكون كده 

و القليل منا  الي حيقول (الحمد لله الذي عافانا و فضلنا علي كثيرا مما ابتلي به غيري )

انا كل يوم بتصدم لما ألاقي ام دخلالي بأبنها عندك ١٢ سنة فما فوق و ميعرفش الصلاة و مش حافظ التشهد و لما اسأله ليه مش بتصلي يقولي مفيش حد عندنا في البيت بيصلي

 

مين الي عمل فينا كده 

مخطط جهنمي ابليسي و احنا البشر ساعدنا في تطبيقه علشان كده ربنا زعلان و نزلنا وباء يعلمنا بيه من تاني ان الله حق 

و لا حول و لا قوة الا بالله

#أمنيةعادل

OMNIAADEL

المستشاره التربويه أمنية عادل

  • Currently 0/5 Stars.
  • 1 2 3 4 5
0 تصويتات / 96 مشاهدة
نشرت فى 22 مارس 2020 بواسطة OMNIAADEL

ساحة النقاش

مركز امنية عادل للتخاطب و العلاج بالطاقة

OMNIAADEL
مع تحيات مركز تخاطب للاستشارات التربوية والاسرية بالاسكندرية 00201062202771 ومركز بجدة 00201228595552 مستشاره تربويه ,صاحبه كتاب "تعالوا نربي" خبيرة صعوبات تعلم وتعديل سلوك وتأخر نمو لغوي منسقه برامج تطوير الذات أستاذ الاتيكيت بمجموعه شركات دكتور ابراهيم الفقي حاصلة علي بكالوريوس علاج بالطاقةالبشرية من كندا ودبلوم تنويم بالايحاء من المركز الكندي »

ابحث

تسجيل الدخول

عدد زيارات الموقع

426,754

مع تحيات مركز تخاطب للاستشارات

للتواصل  واتس 24 ساعة الاسكندرية01062202771الهاتف الارضي 035489481