(الثعلب ا لغربى))

شُفت الثعلب لمّا اتحرّك... 
راح لأخوك وف توب إنسان
قال له انا جاى أحمى وانَضـَّف... 
إسمك جسمك م الثعبان...
.................................
إوعى ياليبى تاكل طـُعمه ...
ده الثعلب جاى لك طمعان...
فين صدّام وفلسطيــــــــن ... 
فين غزّه وأريحا كمان
................................
دخلوا بلاده .وشرّده شعبه... 
إوعى تقول لى انّك نسيان...
إن ساعدك هيدمّر بلـــــدك... 
وتراثــــــك تاكله الغربان....
..................................
وانت ياثعلب مين كان قال لك ...
إلحقنــــى . حوش الفيضان...
جاى تعرض خدماتك لينـــــا ... 
والبسمه غـِش وبـــُهتــــــان...
...................................
خد كلمه منّى واسمعهــــــــــا..... 
المصرى منّك بــُركــــــان...
والخـِطه اللى انت دارسها ... 
ماتخيلشِ على عقل حنان...
.................................
أنا باحفــُر فى القبر لإبنك ....
إن جانى يوم فى الأزمـان...
وما تنسى إن احنا حـَكـَمنا... 
وبلادك ..إحدى البـُـلــدان...
..................................
وهتيجى الفرصه قريـّـــــب... 
وهتعرف ..وطن الشُجعان...
كرامتنا مصدر أوطانــّــا... 
ياابو خطوه شبه الغزلان...
................................
والأرض اللى انت مليتهــــا... 
بغرورك . مش فى النسيان...
وهترجع من تانى ف حـُضـْنى... 
ومن تانى هنعيش فى أمان...
الشاعر/ يحيي المصرى