خلى بالكو\\

الشاعره شيماء يوسف 
خلوا بالكو وفرقوا
بين اللى باع واللى اشترا
بين اللى شدنا للأمام 
واللى رجعونا لورا
بين اللى ساعته مقدمه 
واللى ساعته قرون متأخره
بين الجبان وبين اللى أشجع من عنتره
بين اللى كانت حياتنا معاه متعقده 
واللى خلاها سهله ميسره
بين اللى شرفنا ما بين الناس
واللى خلانا مسخره
بين اللى يفرحوا بالإحتلال
واللى خلى مصر للمحتل مقبره
بين اللى باع الوطن واتخلى عن جنسيته 
واللى عنده جنسيته المصريه مفخره
واللى معاه فى سنه حفرنا قناه
وناس كانواعايزنها والأهرامات متأجره
بين العظيم والتواضع طبع فيه
واللى ما يساوى وغاوى سيطره
وعليه غضب كبير من ربنا
واللى دمه حتة سكره 
ومعاه حسينا بالأمان
واللى كانوا عايزنها مجزره
وصفحتهم سودا فى التاريخ 
واللى صفحته منوره متعطره
يكتب له التاريخ بريشه من فضه
ومية دهب جوا المحبره
واللى زرعوا أرضنا باليأس
واللى خلاها بالأمل والخير متخضره
بين اللى يعرف ربنا بحق 
واللى عامل الدين بس قنطره
فرق كبير بين اللى وقف جنبك يابلدى
واللى كانوا يتمنوامصر متقسمه ومدمره
لو نبيع اللى باع ونرد الجميل للى اشترا 
للمستقبل نروح وفى إدينا الشعله منوره
بقلم\\\ شيماء يوسف